အောက်တိုဘာလ ၂၁ ရက်။
ချင်းနိုင်ငံရေးသမား ပူးဇိုဇမ်ဟာ ၂၀၂၅ ဒီဇင်ဘာ ၂၈ ရက်မှာ ကျင်းပမယ့်ပါတီစုံ ရွေးကောက်ပွဲမှာ ကျားဖြူပါတီ/ရှမ်းနှင့်တိုင်းရင်းသားများဒီမိုကရက်တစ်ပါတီ( SNDP) ကိုယ်စားပြုပြီး ရန်ကုန်တိုင်း ဒေသကြီးမှာ PR စနစ်အမျိုးသားလွှတ်တော်နေရာမှာဝင်ရောက်ယှဉ်ပြိုင်မှာဖြစ်တယ်လို့ပြည် ထောင်စုရွေးကောက်ပွဲကော်မရှင်က ထုတ်ပြန်တဲ့ကိုယ်စားလှယ် လောင်းစာရင်းအရသိရပါတယ်။
ပူးဇိုဇမ်က ” ကျားဖြူ ကနေ PR….အမျိုးသားလွှတ်တော် တင်ထားတယ်၊ရှမ်းနှင့်တိုင်းရင်းသားများဒီမိုကရက်တစ်ပါတီကနေ ခရိုင် 6 ခရိုင်ကိုယ်စား တင်ထားတယ် ” လို့ Chin World Media ကိုအတည်ပြုပါတယ်။
၂၀၂၅ ရွေးကောက်ပွဲမှာ လွှတ်တော်ကိုယ်စားလှယ် လောင်း ၅ ထောင် ကျော်ဝင် ရောက်ယှဉ်ပြိုင်မှာဖြစ်ပြီး ပြည်ထောင်စု ရွေးကောက်ပွဲ ကော်မရှင်ရဲ့ ပါတီ အလိုက် အမည်စာရင်း တင်သွင်းမှုအရ ပြည်ထောင်စု ကြံ့ခိုင်ရေးနှင့် ဖွံဖြိုးရေးပါတီဟာ ကိုယ်စားလှယ်လောင်း (၁,၀၁၈)ဦးဖြင့် အများဆုံး ဖြစ်ကာ တိုင်းရင်းသား စည်းလုံးညီညွတ်ရေး ပါတီမှ (၆၉၄)ဦး၊ ပြည်သူ့ရှေ့ဆောင်ပါတီမှ (၆၇၂)ဦး၊ မြန်မာနိုင်ငံ တောင်သူ လယ်သမား ဖွံ့ဖြိုးတိုးတက်ရေး ပါတီမှ (၄၂၈)ဦး၊ ရှမ်းနှင့်တိုင်းရင်းသားများဒီမိုကရက်တစ် ပါတီ (ကျားဖြူပါတီ)မှ (၅၈၄)ဦး၊ ပြည်သူ့ပါတီမှ (၅၁၂)ဦး၊ တိုင်း/ပြည်နယ်တစ်ခုအတွင်း စည်းရုံးမည့် နိုင်ငံရေးပါတီ ၅၁ ပါတီမှ (၉၆၀)ဦးနှင့် တစ်သီးပုဂ္ဂလအဖြစ် (၉၅)ဦးတို့ဖြစ်ကြောင်း တွေ့ရှိရပါတယ်။
ပူးဇိုဇမ်ဟာ နာမည်ကျော်ကာတွန်းဆရာတစ်ဦးလည်းဖြစ်ကာ ၂၀၁၀ ရွေး ကောက်ပွဲမှာ ချင်းအမျိုးသားပါတီ(CNP)ကိုဦး ဆောင်တည်ထောင်ကာ တီးတိန်မြို့နယ် ပြည်နယ်လွှတ်တော်ကိုယ်စားလှယ်အဖြစ် ၂၀၁၀ ရွေး ကောက်ပွဲအနိုင်ရခဲ့ပါတယ်။ ပူးဇိုဇမ်ဟာ ၂၀၁၁-၁၅ အထိ တီးတိန်မြို့နယ်ကိုယ်စားပြုပြီး ချင်းပြည်နယ်လွှတ်တော်အမတ်အဖြစ် ဆောင်ရွက်ခဲ့ပါတယ်။ ပူးဇိုဇမ်ဟာ ၂၀၁၅ ခုနှစ် တနိုင်ငံလုံးပစ်ခတ်တိုက်ခိုက်မှုရပ်စဲ ရေး သ ဘောတူစာချုပ်(NCA) အခမ်းအနားမှာလည်း အသိသက်သေအဖြစ်ပါဝင်ခဲ့ပါတယ်။ ထို့နောက် ချင်းပါတီများ ပေါင်းစည်း ရေးမှာပါဝင်ခဲ့ပြီး ၂၀၂၀ ရွေး ကောက်ပွဲမှာ ချင်း ၃ ပါတီ ပေါင်းစည်းထားတဲ့ ချင်းအမျိုးသားဒီမိုကရေစီအဖွဲ့ချုပ်ပါတီ(CNLD)ရဲ့အလှည့်ကျဥက္ကဋ္ဌအဖြစ် ဆောင်ရွက်ခဲ့ပါတယ်။
၂၀၂၁ မြန်မာနိုင်ငံမှာစစ်တပ်အာဏာသိမ်းပြီးနောက် ပူးဇိုဇမ်တို့ရဲ့ CNLD ပါတီဟာ ပြန်မှတ်ပုံမတင်တဲ့အတွက် ပါတီဖျက်သိမ်းခံခဲ့ရပါတယ်။