ပညာသင်ဆု လျှောက်ထားနိုင်ကြောင်း ကြေညာချက်
.
ကျန်းမာရေးဆိုင်ရာ လူသားရင်းမြစ် (HRH – Human Resources for Health) ပညာသင်ဆုပရိုဂရမ်
မရှိမဖြစ်လိုအပ်သော ကျန်းမာရေးဝန်ဆောင်မှုများနှင့် ဆက်စပ်ပြီး အသက်မွေးဝမ်းကြောင်း ရှာဖွေနေသော ကျောင်းသားများအတွက် ပညာသင်ဆုများ ရရှိနိုင်ကြောင်း CHO (Chin Health Organization) မှ ဝမ်းမြောက်ဝမ်းသာ ကြေညာအပ်ပါသည်။
.
ဤပညာသင်ဆုသည် ကျန်းမာရေး ဝန်ဆောင်မှု အရောက်နည်းပါးသော ရပ်ရွာများအတွက် ကျွမ်းကျင်သော ပညာရှင်များ မွေးထုတ်ပေးဖို့အတွက် ရည်ရွယ်ပါသည်။
.
လျှောက်ထားသူများသည် အောက်ဖော်ပြပါ eligibility criteria (ပြည့်မီရမည့် စံသတ်မှတ်ချက်များ) နှင့် ကိုက်ညီရမည်ဖြစ်ပြီး ဤပညာသင်ဆုသည် အိန္ဒိယနိုင်ငံရှိ တက္ကသိုလ်များတွင် ပညာသင်ကြားရေးအတွက်သာ အကျုံးဝင်ပါသည်။
.
ရရှိနိုင်သော ပညာသင်ဆုများ:
Nursing: 10 awards
Physiotherapy: 2 awards
Prosthesis and Orthotics: 2 awards
X-ray Technology: 2 awards
Laboratory Technology: 2 awards
.
ပညာသင်ဆု အစီအစဉ်
.
ဤပညာသင်ဆုက ပညာသင်နှစ်တစ်နှစ်တာအတွက် အကျုံးဝင်မည်ဖြစ်ကာ၊ ကျောင်းလခ (တက်ရောက်သောကျောင်းသို့ တိုက်ရိုက်ပေးချေမည်)၊ အဆောင်ခ၊ ပညာသင်ရာ တက္ကသိုလ်ကျောင်းမှ ကောက်ခံသည့် စာရေးကိရိယာကုန်ကျစရိတ်၊ ကျောင်းယူနီဖောင်းနှင့် စားစရိတ်တို့ ပါဝင်သည်။
.
ဤပညာသင်ဆု အစီအစဥ်တွင် ပညာသင်ယူရမည့် နေရာသို့သွားရောက်ရန် ခရီးစရိတ်၊ ကိုယ်ပိုင်အသုံးစရိတ်များ သို့မဟုတ် ပညာသင်သည့်ကျောင်းမှ ကောက်ခံခြင်းမရှိသည့် အခြားကုန်ကျစရိတ်များ မပါဝင်ပါ။
.
ပညာသင်နှစ်ကုန်တွင် ဆုရရှိသူ၏ အခြေအနေကို ပြန်လည်သုံးသပ်ပြီး နောက်နှစ်အတွက် ဆက်လက်ပေးအပ်ရန် ပညာရေး ထူးချွန်မှုနှင့် ပြည့်မီရမည့် စံသတ်မှတ်ချက်များ ဆက်လက်ပြည့်မီခြင်းရှိမရှိအပေါ် အခြေခံ၍ ထည့်သွင်းစဉ်းစားပေးမည်ဖြစ်သည်။
.
ပြည့်မီရမည့် စံသတ်မှတ်ချက်များ
CHO ၏ HRH ပညာသင်ဆုအတွက် လျှောက်ထားမည့်သူများမှာ အောက်ပါစံသတ်မှတ်ချက်များနှင့် ကိုက်ညီရမည်-
.
၁။ အိန္ဒိယ သို့မဟုတ် မြန်မာနိုင်ငံမှ ၁၂ တန်း (သိပ္ပံဘာသာတွဲ – ဓာတုဗေဒ၊ ရူပဗေဒ နှင့် ဇီဝဗေဒ) အောင်မြင်ခဲ့ပြီးသော ချင်းကျောင်းသားဖြစ်ရမည်ဖြစ်ပြီး အနည်းဆုံး စုစုပေါင်းအမှတ် ၄၀% (ဆိုလိုသည်မှာ အမှတ် ၁၀၀ တွင် အမှတ် ၄၀) ရရှိရမည်ဖြစ်ပါသည်။
.
၂။ တက္ကသိုလ်ဝင်ခွင့်မရရှိမီတွင် အသက် ၁၇ နှစ်မှ ၃၀ နှစ်အတွင်း ရှိရမည်ဖြစ်ပါသည်။
.
၃။ ပညာသင်ဆုလျှောက်ရာတွင် တင်ရမည့် အရာများ –
က။ အချက်အလက်အစုံ ဖြည့်ထားသော ပညာသင်ဆုလျှောက်လွှာ
ခ။ Personal statement essay များ၊
ဂ။ ၁၂ တန်း အောင်လက်မှတ်နှင့် အမှတ်စာရင်း
ဃ။ မိမိကို ထောက်ခံပေးမည့်သူ နှစ်ဦးထံမှ ထောက်ခံစာ နှစ်စောင်
င။ မကြာမီက ရိုက်ထားသော ပတ်စ်ပို့ဓာတ်ပုံ ၂ ပုံ
စ။ (ကျောင်းလျှောက်ပြီးဖြစ်ပါက) လျှောက်ထားပြီးသော ကျောင်းမှ ဝင်ခွင့်ရရှိကြောင်း စာ
.
၄။ အင်္ဂလိပ်ဘာသာ ကျွမ်းကျင်မှု
က။ CHO မှ စီစဉ်ပေးသော ဘာသာစကားကျွမ်းကျင်မှုဆိုင်ရာ စာမေးပွဲကို ဖြေဆိုရန်၊ သို့မဟုတ်
ခ ။ လတ်တလော အင်္ဂလိပ်ဘာသာစကား ကျွမ်းကျင်မှုဆိုင်ရာ စာမေးပွဲ ဖြေဆိုထားပါက ရလဒ်ကို တင်ပြရန် (ဥပမာ – IELTS, TOEFL, Duolingo)
.
၅။ ဘွဲ့ရပြီးနောက် ချင်းပြည်နယ်အတွင်း ဝေးလံခေါင်းပါးခက်ခဲသည်ဟု သတ်မှတ်ထားသော နေရာများတွင် တာဝန်ထမ်းဖို့ ကတိပြုမည့် bond စာချုပ်တွင် လက်မှတ်ရေးထိုးလိုသူဖြစ်ရမည်
က။ ဒီပလိုမာ ရရှိသူများ – ၂ နှစ်ခွဲ
ခ ။ Bachelor ဘွဲ့ ရရှိသူများ – ၃ နှစ်
.
၆။ ရွေးချယ်ခံရပါက ကျောင်းမတက်မီ လေ့ကျင့်ရေးသင်တန်း (ဥပမာ- ယဉ်ကျေးမှုဓလေ့ ရင်းနှီးကျွမ်းဝင်လာရေး၊ အင်္ဂလိပ်ဘာသာစကား စသည်တို့) ကို CHO မှ စီစဉ်ပေးမည်ဖြစ်ကာ ထိုသင်တန်းကို တက်ရောက်ပြီးမြောက်ရပါမည်။
.
၇။ ပညာသင်ကြားမှုအတွက် လိုအပ်သော အောက်ပါ အထောက်အထားစာရွက်စာတမ်းများ ရှိရမည်-
.
အိန္ဒိယတွင် အတန်း (၁၂) ပြီးစီးသူများအတွက်
မဖြစ်မနေလိုအပ် – Aadhaar ကတ်၊ Permanent Account Number (PAN) ကတ်နှင့် Migration Certificate။
.
ရှိပါကတင်ပြရန် – Permanent Residency Certificate၊ Admit Card/မွေးစာရင်း၊ လူမျိုးစုလက်မှတ်နှင့် အခြားလိုအပ်သော စာရွက်စာတမ်းများ။
.
မြန်မာနိုင်ငံတွင် အတန်း (၁၂) ပြီးစီးသူများအတွက်
အနည်းဆုံး ၆ လကျန်ရှိသော တရားဝင်နိုင်ငံကူးလက်မှတ် လိုအပ်သည်။ ကျောင်းသားဗီဇာအတွက် ကျောင်းနှင့် စီစဉ်ဆောင်ရွက်ရမည်။
(မှတ်ချက်: မပြည့်စုံသော လျှောက်လွှာများ သို့မဟုတ် စံသတ်မှတ်ချက် မပြည့်မီသော လျှောက်လွှာများကို ထည့်သွင်းစဉ်းစားမည် မဟုတ်ပါ။)
.
ပညာသင်ဆုလျှောက်ရမည့် နည်းလမ်းနှင့် ဆက်သွယ်ရန်
.
အချက်အလက်အစုံ ဖြည့်ထားသော လျှောက်လွှာပုံစံနှင့် အထက်တွင် ဖော်ပြထားသော အထောက်အထား စာရွက်စာတမ်းအားလုံးကို အီးမေးလ်ဖြင့်သာ လျှောက်ထားရပါမည်။
လျှောက်လွှာပုံစံနှင့် လျှောက်ထားရမည့် အီးမေးလ်လိပ်စာကို CHO ၏ official Facebook Page Messenger (https://m.me/chinhealthorganization) မှတဆင့် တောင်းခံရယူပါ။
သြဂုတ်လ ၁၅ ရက်နေ့၊ ၂၀၂၅ ခုနှစ် နောက်ဆုံးထား၍ လျှောက်လွှာများကို တင်နိုင်သည်။
.
လူထုကျန်းမာရေးအတွက် တစိုက်မတ်မတ်အကျိုးပြုလိုသည့် ကျောင်းသားများအား လျှောက်ထားရန် ကျွန်ုပ်တို့ အလေးအနက်အားပေးလိုပြီး ကျန်းမာရေး ဝန်ဆောင်မှု အရောက်နည်းပါးသော ဒေသများတွင် တာဝန်ထမ်းဆောင်ဖို့ ကတိကဝတ်ပြုရပါမည်။
.
စံသတ်မှတ်ချက်ပြည့်မီသော ချင်းလူငယ်များအားလုံး လျှောက်ထား၍ရသော်လည်း ချင်းပြည်နယ်အတွင်း ဝေးလံခေါင်းပါးခက်ခဲသည်ဟု သတ်မှတ်ထားသော ဒေသများမှ ချင်းလူငယ်များကို ဦးစားပေးမည်။
.
အထူးသဖြင့် လူမှုစီးပွားရေးခက်ခဲသော ဒေသများ၊ ပညာရေးလက်လှမ်းမီမှု နည်းပါးသော သို့မဟုတ် ပဋိပက္ခနှင့်အခက်အခဲများ ရင်ဆိုင်နေရသော ကျောင်းသားများကို ဦးစားပေးမည်။
.
လျှောက်ထားသူများသည် ၎င်းတို့၏ လျှောက်လွှာတွင် သက်ဆိုင်ရာဒေသနှင့် အခက်အခဲဖြစ်သော အကြောင်းအရာများကို ထည့်သွင်းရမည်ဖြစ်သည်။
.
ဤကြေညာစာတွင် မပါသော အခြားသိလိုသည်များရှိပါက CHO ၏ official Facebook Page Messenger (https://m.me/chinhealthorganization) ကို ဆက်သွယ်ပါ။
.