Chinlan Council အဖွဲ့ဝင် IMC / CDF – Mara တပ်ဖွဲ့ နဲ့ ချင်းညီနောင်အဖွဲ့ဝင် MTC / Mara Defense Force (MDF) တပ်ဖွဲ့အကြား ဖြစ်တဲ့ ထိတွေ့တိုက်ပွဲ ပဋိပက္ခတွေမှာ အာရက္ခတပ်တော်(AA) မပါဝင်ကြောင်း၊AA ဟာ ချင်းအချင်းချင်းဖြစ်တဲ့ ထိတွေ့တိုက်ပွဲ ပဋိပက္ခတွေမှာ ဝင်ပါမယ့် အဖွဲ့လည်း မဟုတ်ကြောင်း၊ MTC/MDF ရဲ့ အုပ်ချုပ်ရေးပိုင်းမှာ President / တပ်ပိုင်းမှာ Commander in Chief တာဝန်ယူထားတဲ့ Dr. Bik က Chin World Media ကိုပြောပါတယ်။
MDF ရဲ့ အုပ်ချုပ်ရေးပိုင်းမှာ President / တပ်ပိုင်းမှာ Commander in Chief တာဝန်ယူထားတဲ့ Dr. Bik က “ CDF – Mara နဲ့ MDF ဖြစ်တဲ့ ပဋိပက္ခတွေမှာ AA ပါဝင်တယ်ဆိုပြီးမှ CDF -–Mara ဘက်က ပြောဆိုနေတာတွေက အဲဒါ လုံးဝမဟုတ် မမှန်တဲ့ဟာပါ AA ဝင်ပါစရာအကြောင်းလဲမရှိဘူး AA က ကိုယ့်ချင်းအချင်းချင်းပြဿနာမှာ ဝင်ပါမယ့် အဖွဲ့လည်း မဟုတ်ဘူး။ CDF – Mara ဘက်က CNA တွေဆီက စစ်ကူရချင်လို့ အကြောင်းပြပြီး online မှာရေးနေတာပါ” လို့ပြောပါတယ်။
IMC / CDF – Mara တပ်ဖွဲ့ နဲ့ MTC / MDF တပ်ဖွဲ့အကြား ပြီးခဲ့တဲ့ ဇူလိုင် လ ၁၄ ရက်နေ့ကစလို့ ထိတွေ့ပစ်ခတ်မှုတွေ ရှိခဲ့ပေမယ့် လက်ရှိအချိန်မှာ နှစ်ဖက်ထိတွေ့တိုက်ပွဲတွေတော့ မရှိကြောင်း MDF ဘက်ကပြောပါတယ်။
လွန်ခဲ့တဲ့ အပတ်က မရာပြည်သူ (၄) ဦးကို MTC / MDF နဲ့ မဟာမိတ် AA တပ်ဖွဲ့တွေက အကြောင်းမဲ့ ဖမ်းဆီးခဲ့တယ်လို့ IMC / CDF – Mara က ထုတ်ပြန်ထားပြီး ဒီအခြေအနေနဲ့ပက်သက်ပြီး သိရှိတာမရှိတဲ့အကြောင်း MTC/MDF ရဲ့ အုပ်ချုပ်ရေးပိုင်းမှာ President / တပ်ပိုင်းမှာ Commander in Chief တာဝန်ယူထားတဲ့ Dr. Bik က ပြောပါတယ်။