ချင်းပြည် (Chinland) ဖွဲ့စည်းပုံအခြေခံဥပဒေ (၂၀၂၃) ကို ပြင်ဆင်တာ၊ ပယ်ဖျက်တာ၊ ဖြည့်စွက်တာတွေပြန်လုပ်ပြီး တတိယအကြိမ် ပုံနှိပ်ထုတ်ဝေခဲ့တယ်လို့ ချင်းပြည် (Chinland)ကောင်စီက ဒီကနေ့ ဇွန် ၁၉ ရက်နေ့မှာ ထုတ်ပြန်ပါတယ်။
ချင်းပြည် (Chinland) ဖွဲ့စည်းပုံအခြေခံဥပဒေမှာ အခန်း ၁၀ ခုနှင့် နောက်ဆက်တွဲ ၂ ခုပါရှိပြီး အခန်း ၁ မှာ အခြေခံမှုများ ၊ အခန်း (၂) ချင်းပြည် (Chinland) ဖွဲ့စည်းတည်ဆောက်ပုံ ၊ အခန်း (၃) ချင်းပြည် (Chinland)ကောင်စီ ၊ အခန်း (၄) ဥပဒေပြုရေး ၊ အခန်း (၅) အုပ်ချုပ်ရေး၊ အခန်း (၆) တရားစီရင်းရေး ၊ အခန်း (၇) ချင်းပြည် (Chinland) ကာကွယ်ရေးနှင့် လုံခြုံရေးကောင်စီ ၊ အခန်း (၈) ဒေသန္တရ အုပ်ချုုပ်ရေး၊ အခန်း (၉) ရွေးကောက်တင်မြှောက်ခြင်း ၊ အခန်း (၁၀) အထွေထွေ ပြဌာန်းချက်များ နဲ့ နောက်ဆက်တွဲ (၁) ကတိသစ္စာပြုချက် ၊ (၂) ချင်းပြည် (Chinland) အဆင့်နှင့် ဒေန္တရ အဆင့်ကြား အာဏာခွဲဝေခြင်းတို့ ဖြစ်တယ်လို့ ဖော်ပြထားပါတယ်။
ပထမအကြိမ် ချင်းပြည် (Chinland) ကောင်စီ ညီလာခံကို ၂၀၂၃ ခုနှစ် ဒီဇင်ဘာလ ၄ ရက်နေ့ကနေ ၇ ရက်နေ့အထိ Victoria Base, Chinland တွင် ကျင်းပပြုလုပ်ခဲ့ပြီး ညီလာခံသို့ ချင်းအမျိုးသားတပ်ဦးက ကိုယ်စားလှယ်တွေ ၊ ချင်းလွှတ်တော်အစုအဖွဲ့တွေက ကိုယ်စားလှယ်တွေ မြို့နယ်ဒေသခံ အစုအဖွဲ့ကိုယ်စားလှယ်တွေ ပြည်တွင်း၊ပြည်ပ ဧည်သည်တော် စုစုပေါင်း ၂၃၅ ဦးတက်ရောက်ခဲ့ပြီး အောင်မြင်စွာ ပြုလုပ်ခဲ့တယ်လို့ ဆိုပါတယ်။
နောက်ပြီး ချင်းပြည် (Chinland) ဖွဲ့စည်းပုံ အခြေခံဥပဒေကို ချင်းပြည် (Chinland) ကောင်စီ ညီလာခံက ၂၀၂၃ ခုနှစ်၊ ဒီဇင်ဘာလ ၆ ရက်နေ့ မြန်မာစံတော်ချိန် (၁၁ : ၃၃) နာရီတွင် အတည်ပြုခဲ့တယ်လို့ဆိုပါတယ်။
