နိုဝင်ဘာလ ၂၈ ရက်။
Myanmar National League II(MNL-2) 2024 အမှတ်ပေးဘောလုံးပြိုင်ပွဲ (Week-14) ရဲ့ ရာသီပိတ် ပွဲစဉ် တစ်ပွဲ အဖြစ် ဒီကနေ့နိုဝင်ဘာ ၂၈ ရက်ညနေက သုဝဏ္ဏကွင်းမှာ အမှတ်ပေးဇယားမှာ အဆင့် ၃ က University အသင်း နှင့် အဆင့် ၂ က ရာမညယူနိုက်တက်အသင်းတို့ ကစားခဲ့ကြပြီး University အသင်းက ၁-၀ ဂိုးဖြင့် အနိုင်ရခဲ့ကာ University အသင်းဟာ ယနေ့ပွဲတွင် နိုင်ပွဲ ရရှိခဲ့သည့်အတွက် ရမှတ် ၃၀ မှတ် ရရှိခဲ့ပြီး ရာမညယူနိုက်တက်အသင်းနှင့် ရမှတ်တူ ဂိုးကွာခြားချက် အသာဖြင့် ဒုတိယရခဲ့ပါတယ်။
Myanmar National League II(MNL-2) 2024 ရဲ့ချန်ပီယံပထမဆုကို ချင်းပြည်နယ်နဲ့ ချင်းလူမျိုးကိုယ်စားပြုကလပ်အသင်းဖြစ်တဲဲ့ Chinland FC က ရမှတ် ၃၂ မှတ်ဖြင့် ရရှိခဲ့ကာ Chinland FC အသင်းဟာ လာမယ့် ၂၀၂၅ နှစ်သစ်မှာ Myanmar National League I (MNL- 1 ) သို့ပြန်လည်တန်းတက်ကစားခွင့်ရရှိခဲ့ပြီဖြစ်ပါတယ်။
