Case -232 ဆေးရုံမှ ဆင်းပြီဖြစ်ပြီး ချင်းပြည်နယ်တွင် Covid-19 ပိုးတွေ့လူနာမရှိတော့ဟုဆို

Shing Mang

မင်းတပ်မှပြောင်းရွေ့ပြီးဟားခါးပြည်သူ့ဆေးရုံတွင် ဆေးကုသလျက်ရှိသည့်Case-232 ယနေ့ဇူလိုင်လ ၆ ရက်တွင် ဆေးရုံမှဆင်းခွင့်ရပြီးနောက် ချင်းပြည်နယ်တွင်ရောဂါပိုးတွေ့ရှိသူ မရှိတော့ကြောင်းသိရသည်။

“Positive တော့ မရှိတော့ဘူး၊နောက်ဆုံး Case-232 က ဟိုနေ့က Negative ဖြစ်သွားတော့ ၊ ဒီနေ့ဟားခါးကနေ မင်းတပ်ကိုပြန်ပို့လိုက်ပြီ၊လောလောဆယ်တော့ Positive တော့ မရှိတော့ ဘူးပေါ့ “ဟု ချင်းပြည်နယ်အစိုးရ လူမှုရေးဝန်ကြီးဦးပေါင်လွန်မင်းထန် ထံမှ သိရသည်။

လက်ရှိတွင် နယ်စပ်နိုင်ငံ အိန္ဒိယဘက်မှ ပြန်လာမည့် ချင်းလူမျိူး ၁၉၀ ကျော်ရှိနေပြီး ဖြတ်မှတ်ဂိတ်များကိုလည်း သတ်မှတ်ပေးထားကြောင်းလည်းသိရသည်။

“လောလောဆယ် အရှေ့ဘက်ခြမ်း တရုတ်နဲ့ထိုင်းက တော့ နည်းနည်းလျော့လာပြီ၊ အခုလောလောဆယ်က အိန္ဒိယ ဘက်က ပြန်လာတာ များနေတယ်၊သူတို့ကို Quarantine ထားပြီးမှ Swab Test လုပ်ပြီးမှ နေရာဒေသပို့ဖို့ စီစဥ်ထားတယ်၊ ဝင်ပေါက်အနေနဲ့လည်း ကျီးခါးဖြတ်မှတ်နဲ့၊ရိခေါရ်တာ ၂နေရာတော့ သတ်မှတ်ထားတယ် ” ဟုဝန်ကြီးပေါင်လွန်မင်ထန်းမှပြောသည်။

ချင်းပြည်နယ်တွင် ကိုဗစ်-၁၉ ပိုးတွေ့လူနာများတွင်
တီးတိန်မြို့မှ (၇)ဦး၊ ဟားခါး၊ ထန်တလန် နဲ့ မင်းတပ်တို့တွင် တစ်ဦးစီ တွေ့ရှိခဲ့သည်။