Dr.Lian Pi ရွေးကောက်ပွဲပြီးစီးသည်မှာ ၂ လပြည့်ပြီဖြစ်ပြီးအရှံးကိုကျေကျေနပ်နပ်လက်ခံကာနောင် ၅ နှစ်အတွက်ပြင်ဆင်နေသည့်နိုင်ငံရေးပါတီများစွာရှိပါသည်။ထို့အတူယခုအချိန်အထိ ပြည်ခိုင်ဖြိုးပါတီဝန်းရံသူများကရွေးကောက်ပွဲတရားမျှတမူမရှိ၊ရွေးကောက်ပွဲပြန်ကျင်းပရေးဆန္ဒထုတ်ဖော်မူများကြိမ်ဖန်များစွာပြုလုပ်နေသလို၊မဲစာရင်းPDFfileများကိုExcelဖိုင်ပြောင်း၍မဲမသမာမူဖြစ်နိုင်မဖြစ်နိုင်တပ်မတော်မှစစ်ဆေးနေမူများသည်လည်းတနိုင်ငံလုံးရှိမြို့နယ်တခုချင်းမဲစာရင်းစစ်ဆေးမူများမှာလည်းမကြာမှီပြီးစီးတော့မည်ဖြစ်သည်။ရွေးကောက်ပွဲသည် တပ်မတော်နှင့်ပြည်ခိုင်ဖြိုးပါတီအတွက်မပြီးသေးပါ။ တပ်မတော်မှစစ်ဆေးလျက်ရှိသည့်မြို့နယ်များတွင်ချင်းပြည်နယ်မှမြို့နယ်များလည်းပါဝင်လာပြီဖြစ်သည်။ ဤနေရာတွင်ရွေးကောက်ပွဲရလဒ်နှင့်ပတ်သက်ပြီး အနည်းဆုံး ၁ နေရာမှ အများဆုံး ၄၅ နေရာအထိအနိုင်ရသောတိုင်းရင်းသားပါတီများမှရွေးကောက်ပွဲနှင့်ပတ်သက်ပြီးခြုံကြည့်လျှင်တရားမျှတသည်ဟုလက်ခံကြထားပြီးထောက်ပြခြင်းမျိုးမရှိသည်ကိုတွေ့ရသည်။စာရေးသူအမြင်တွင်လည်းပြည်ထောင်စုရွေးကောက်ပွဲကော်မရှင်သည်ပါတီတခုခုကိုသိသာသည့်ဘက်လိုက်မူ့မရှိခဲ့ဟုမြင်သည်။ရွေးကောက်ပွဲနေ့တွင်လည်းတနိုင်ငံလုံးလွတ်လပ်စွာမိမိကြိုက်နှစ်သက်ရာပါတီကိုမဲပေးနိုင်ခွင့်ရှိခဲ့သည်ကိုတွေ့မြင်နိုင်ပါသည်။ ရွေးကောက်ပွဲရလဒ်နှင့်ပတ်သက်ပြီး လက်မခံဖြစ်နေသည့် ပြည်ခိုင်ဖြိုးပါတီနှင့်တပ်မတော်အဖွဲ့အစည်း ၂ ခုသည်သာယနေ့တိုင်လက်မခံကြောင်းလုပ်ရပ်အမျိုးမျိုးဖြင့်ပြသနေကြပါသည်။တပ်မတော်မှစစ်ဆေးနေသောမဲစာရင်းစစ်ဆေးမူတနိုင်ငံလုံးရှိမြို့နယ်များအားလုံးပြီးစီးလျှင်သတင်းစာရှင်းလင်းပွဲပြုလုပ်မည်ဟုသိရသလို၊သမ္မတဦးဝင်းမြင့်နှင့်ပြည်ထောင်စုရွေးကောက်ပွဲကော်မရှင်ဥက္ကဌဦးလှသိန်းအပါအဝင်၁၅ဦးတို့ကိုအမူဖွင့်သင့်မဖွင့်သင့်ကို(၂၉၁၂၀၂၁)ရက်နေ့နံနက်(၉:၃၀)အချိန်ကစပြီးတရားသူကြီး(၃)ဦးရှေ့မှာVideoConferencingစနစ်ဖြင့်ကြားနာဖို့ပြည်ထောင်စုတရားလွှတ်တော်ချုပ်ထံလျှောက်ထားတိုင်ကြားထားမူများရှိသည်။ သမ္မတဦးဝင်းမြင့်ကို လျှောက်ထားတိုင်ကြားသူမှာ မန္တလေးက အမျိုးသားရေးရှေ့နေ ဦးဇော်ဝိတ်ဖြစ်ပြီး ပြည်ထောင်စုရွေးကောက်ပွဲကော်မရှင်ဥက္ကဌဦးလှသိန်းကိုတိုင်ကြားသူမှာအမျိုးသားနိုင်ငံရေးဒီမိုကရက်တစ်ပါတီ ဥက္ကဌ သရေစည်သူ ဦးစိုးမောင် ဖြစ်သည်။ သမ္မတဦးဝင်းမြင့်နှင့်ပြည်ထောင်စုရွေးကောက်ပွဲကော်မရှင်ဥက္ကဌဦးလှသိန်းအပါအဝင်၁၅ဦးတို့ကိုအမူဖွင့်သင့်မဖွင့်သင့်ကို(၂၉၁၂၀၂၁)ရက်နေ့နံနက်(၉:၃၀)အချိန်ကစပြီးပြည်ထောင်စုတရားလွှတ်တော်ချုပ်ရုံးတွင်တရားသူကြီး(၃)ဦးရှေ့မှာ Video Conferencingစနစ်ဖြင့်ကြားနာမည်ဖြစ်သည်။ ပြည်ခိုင်ဖြိုးပါတီသည်တနိုင်ငံလုံးတွင် NLD ပါတီနှင့်အဓိကယှဉ်ပြိုင်သည့်ပါတီဖြစ်ပြီးမဲဆွယ်ကာလတွင်လည်း NLDနှင့်တန်းတူမဲဆွယ်ခွင့်ရခဲ့သည့်ပါတီဖြစ်သည်။ တပ်မတော်နှင့်ပြည်ခိုင်ဖြိုးပါတီအနေဖြင့်မဲသမာမူများကိုဖြစ်စဉ်ဖြင့်ထိထိရောက်ရောက်မထောက်ပြနိုင်ပဲမဲထပ်နေသည့်စာရင်းနှင့်မဲသမာမူဖြစ်နိုင်သည့်စာရင်းဟူ၍သာထုတ်ပြန်နေသည်ကိုတွေ့ရပါသည်။၂၀၀၈ဖွဲ့စည်းပုံအခြေခံဥပဒေအရအစိုးရသည်ပြည်ထောင်စုရွေးကောက်ပွဲကော်မရှင်ကိုရွေးချယ်ဖွဲ့စည်းပေးရခြင်းကြောင့်ပြည်ထောင်စုရွေးကောက်ပွဲကော်မရှင်ကိုဘက်လိုက်သည်ဟုပြည်ခိုင်ဖြိုးပါတီနှင့်တပ်မတော်မှရွေးကောက်ပွဲမတိုင်ခင်ဖြစ်စေ၊ရွေးကောက်ပွဲပြီးကာလတွင်ဖြစ်စေစဉ်ဆက်မပြတ်ဝေဖန်နေခြင်းဖြစ်သည်။ မည်သို့ပဲဝေဖန်စေကာမူပြည်သူ့ဆန္ဒကိုထင်ဟပ်သည့်ရွေးကောက်ပွဲရလဒ်ကိုထိခိုက်မည်မဟုတ်သော်လည်းပြည်ထောင်စုရွေးကောက်ပွဲကော်မရှင်သည်၂၀၂ဝရွေးကောက်ပွဲတွင်ဘက်လိုက်ခဲ့ကြောင်း၊၂၀၂ဝရွေးကောက်ပွဲရလဒ်ကိုလက်မခံကြောင်းတပ်မတော်နှင့်ပြည်ခိုင်ဖြိုးပါတီမှဆက်လက်လုပ်ဆောင်မည်ပုံဆောင်သည်။ ဒေါ်အောင်ဆန်းစုကြည်ခေါင်းဆောင်သည့်NLDပါတီသည်မြန်မာပြည်လူထု၏နှစ်ပေါင်းများစွာအခိုင်အမာထောက်ခံအားပေးမူကိုရထားသည့်ပါတီဖြစ်သည့်အတွက်ရွေးကောက်ပွဲတွင်အနိုင်ရရန်ပြည်ထောင်စုရွေးကောက်ပွဲကော်မရှင်၏အကူအညီလိုသည့်ပါတီမဟုတ်သည်ကိုတပ်မတော်နှင့်ပြည်ခိုင်ဖြိုးပါတီခေါင်းဆောင်များနားမလည်နိုင်သေးသည်ကိုပြည်ခိုင်ဖြိုးပါတီဝန်းရံသူများ၊မဲစာရင်းစစ်ဆေးနေသည့်တပ်မတော်၏လုပ်ရပ်များကသက်သေပြနေသည်။ ထို့အတူ၂၀၂၁ခုနှစ်တွင်အသစ်ဖွဲ့စည်းမည့်အစိုးရအနေဖြင့်၂၀၂၁ခုနှစ်တွင်အသစ်ပြန်လည်ဖွဲ့စည်းမည့်ပြည်ထောင်စုရွေးကောက်ပွဲကော်မရှင်ကိုရွေးကောက်ပွဲစောင့်ကြည့်သည့်လူမူ့အဖွဲ့အစည်းများ၊နိုင်ငံရေးပါတီပေါင်းစုံ၏သဘောထားများကိုရယူပြီး၂၀၀၈ဖွဲ့စည်းပုံ၏ဘောင်တွင်းလူအများလက်ခံနိုင်မည့်အနိုင်ရပါတီတခုတည်းသဘောဖြင့်ခန့်အပ်သည့်ပုံစံမပေါက်သည့်ရွေးကောက်ပွဲကော်မရှင်အသစ်ကိုဖွဲ့စည်းသင့်ကြောင်းအကြံပြုလိုပါသည်။သို့မဟုတ်ပါက၂၀၂၅ခုနှစ်ရွေးကောက်ပွဲတွင်လည်းဒိုင်လူကြီးလုပ်ရမည့်ပြည်ထောင်စုရွေးကောက်ပွဲကော်မရှင်ကိုတပ်မတော်နှင့်ပြည်ခိုင်ဖြိုးပါတီမှဆက်လက်ကန့်ကွက်နေအုံးမည်ဖြစ်သည် ။…