Input your search keywords and press Enter.

မင်းတပ်ကောလိပ် လာမည့်ပညာသင်နှစ်တွင် ဖွင့်နိုင်သေးမည်မဟုတ်ဟုဆို

 

 

Shing Mang

မင်းတပ်ကောလိပ် လာမည့်ပညာသင်နှစ်တွင် ဖွင့်နိုင်သေးမည်မဟုတ်ဟု ချင်းပြည်နယ် လူမှုရေး ဝန်ကြီး ဦး ပေါင်လွန်းမင်းထန် မှဆိုသည်။

“လာမယ့်ကျောင်းဖွင့်ရာသီမှာ တော့ဖွင့်ဖို့ လွယ်တော့ မလွယ်လောက်သေးဘူးထင်တယ်၊ နောက် ၂၀၂၁ ခုနှစ်ပိုင်းမှာမှ ပိုပြီး အဆင်ပြေမယ်ထင်ပါတယ်၊ တည်ဆောက်ရေးလုပ်ငန်းပိုင်းမှာ ချင်းပြည်နယ်မှာ အချိန်ပို ယူရတာရယ် နောက် တောင်စောင်းမှာ ဆောက်ရတာ ဖြစ်တဲ့အတွက်ကြောင့် မြေမာဖို့လိုမယ်၊ ပြီးတော့ လမ်းတွေဖောက်ဖိူ့လိုမယ် ရေကိစ္စတွေ လုပ်ဖို့လိုတယ်၊ လုပ်တော့ လုပ်နေတာပေါ့နော် ကျွန်တော့် အမြင်မှာတော့ ၂၀၂၁-၂၀၂၂ ပညာသင်နှစ်လောက်မှာ ကောင်းကောင်း စနိုင်မယ်လို့တော့ ထင်ပါတယ်၊ဒါလည်း ဒီ ပြည်ထောင်စုရဲ့ ဘဏ္ဍာငွေ ချပေးထားမှုမှာလည်း မူတည်တာလည်း ဖြစ်ပါတယ်” ဟု ချင်းပြည်နယ် လူမှုရေး ဝန်ကြီး ဦး ပေါင်လွန်းမင်းထန် မှ ပြောသည်။

လက်ရှိမင်းတပ်ကောလိပ်တည်ဆောက်မှုတွင် RC ၂ထပ်ဖြင့် စာသင်ဆောင် နှစ်လုံး နှင့် ဆရာ/ဆရာမဆောင် ၂လုံး၊ ကျောင်းသား/သူ ဆောင်ကုတင်၁ဝဝဆန့် RC နှစ်ထပ် နှစ်လုံး နှင့် ဝန်ထမ်းနေအိမ် တစ်ထပ် ၂လုံးတို့ကို က ၂၀၁၉-၂၀၂၀ ဘဏ္ဍာရေးနှစ် ပြည်ထောင်စု ငွေလုံးငွေရင်း ရန်ပုံငွေဖြင့် မုံရွာမြို့ အဆောက်အဦး အထူးအဖွဲ့ (၁၀) မှ တာဝန်ယူတယ်ဆောက်လျက်ရှိသည်။

လူမှုရေးဝန်ကြီးမှ ဆက်ပြီး “မင်းတပ်ကောလိပ်ကလောလောဆယ် အခြေနေမှာ လောလောဆယ် ယာယီ ကျောင်းအုပ်တော့ချထားပါပြီ၊ ဒါပေမယ့် တည်ဆောက်ရေးလုပ်ငန်းက အခု ၆၀% ပြီး တဲ့ အဆောက်အဦးတွေ ရှိတယ်၊ ပြီးတော့ ၃၀% လောက်ပြီးတဲ့ အဆောက်အဦးတွေ ရှိတယ်၊ under contrustion ပေါ့နော် လောလောဆယ် ဆောက်နေတယ် ဆောက်လုပ်ရေး အဖွဲ့(၁၀) ကပေါ့နော် ၊သူတို့ဦးဆောင်ပြီး ဆောင်ရွက်နေတယ်၊ ဒါလည်းပဲ တိုးတက်မှုတော့ အများရှိပါပြီ ဒါပေ်မယ့် လိုအပ်ချက်ပြည့်စုံအောင်တော့ ကျောင်းအုပ်ကြီးတို့ ရောက်လာတဲ့ခါမှာ ဒီရုံးပိုင်းဆိုင်ရာ လိုမယ်၊ တည်ဆောက်ရေးပိုင်းဆိုင်ရာကတော့ ပညာရေးက အဆောက်အဦးပိုင်းကျ အပ်ထားတဲ့အတွက်ကြောင့် တော်တော်များများတော့ အဆင်ပြေပါတယ်၊ ” ဟုပြောသည်။

လက်ရှိချင်းပြည်နယ်တွင် ဟားခါးမြို့တွင် ဟားခါးတက္ကသိုလ်ရှိပြီး တောင်ပိုင်း မင်းတပ်မြို့တွင် ဝိဇ္ဇာသိပ္ပံကောလိပ် တစ်ကျောင်း တည်ရှိတော့မည် ဖြစ်သည်။ မင်းတပ်ကောလိပ်သည်ပြည်ထောင်စု ဘက်ဂျက် ၅ဘီလီယံ ကျော်ဖြင့် တည်ဆောက်လျက်ရှိကြောင်းလည်း သိရသည်။

 

 

မင္းတပ္ေကာလိပ္ လာမည့္ပညာသင္ႏွစ္တြင္ ဖြင့္နိုင္ေသးမည္မဟုတ္ဟုဆို

 

မင္းတပ္ေကာလိပ္ လာမည့္ပညာသင္ႏွစ္တြင္ ဖြင့္နိုင္ေသးမည္မဟုတ္ဟု ခ်င္းျပည္နယ္ လူမႈေရး ဝန္ႀကီး ဦး ေပါင္လြန္းမင္းထန္ မွဆုိသည္။

“လာမယ့္ေက်ာင္းဖြင့္ရာသီမွာ ေတာ့ဖြင့္ဖို႔ လြယ္ေတာ့ မလြယ္ေလာက္ေသးဘူးထင္တယ္၊ ေနာက္ ၂၀၂၁ ခုႏွစ္ပိုင္းမွာမွ ပိုၿပီး အဆင္ေျပမယ္ထင္ပါတယ္၊ တည္ေဆာက္ေရးလုပ္ငန္းပိုင္းမွာ ခ်င္းျပည္နယ္မွာ အခ်ိန္ပို ယူရတာရယ္ ေနာက္ ေတာင္ေစာင္းမွာ ေဆာက္ရတာ ျဖစ္တဲ့အတြက္ေၾကာင့္ ေျမမာဖို႔လိုမယ္၊ ၿပီးေတာ့ လမ္းေတြေဖာက္ဖိူ႔လိုမယ္ ေရကိစၥေတြ လုပ္ဖို႔လိုတယ္၊ လုပ္ေတာ့ လုပ္ေနတာေပါ့ေနာ္ ကၽြန္ေတာ့္ အျမင္မွာေတာ့ ၂၀၂၁-၂၀၂၂ ပညာသင္ႏွစ္ေလာက္မွာ ေကာင္းေကာင္း စနိုင္မယ္လို႔ေတာ့ ထင္ပါတယ္၊ဒါလည္း ဒီ ျပည္ေထာင္စုရဲ့ ဘ႑ာေငြ ခ်ေပးထားမႈမွာလည္း မူတည္တာလည္း ျဖစ္ပါတယ္” ဟု ခ်င္းျပည္နယ္ လူမႈေရး ဝန္ႀကီး ဦး ေပါင္လြန္းမင္းထန္ မွ ေျပာသည္။

 

လက္ရွိမင္းတပ္ေကာလိပ္တည္ေဆာက္မႈတြင္ RC ၂ထပ္ျဖင့္ စာသင္ေဆာင္ ႏွစ္လုံး ႏွင့္ ဆရာ/ဆရာမေဆာင္ ၂လုံး၊ ေက်ာင္းသား/သူ ေဆာင္ကုတင္၁၀၀ဆန႔္ RC ႏွစ္ထပ္ ႏွစ္လုံး ႏွင့္ ဝန္ထမ္းေနအိမ္ တစ္ထပ္ ၂လုံးတို႔ကို က ၂၀၁၉-၂၀၂၀ ဘ႑ာေရးႏွစ္ ျပည္ေထာင္စု ေငြလုံးေငြရင္း ရန္ပုံေငြျဖင့္ မုံရြာၿမိဳ႕ အေဆာက္အဦး အထူးအဖြဲ႕ (၁၀) မွ တာဝန္ယူတယ္ေဆာက္လ်က္ရွိသည္။

 

လူမႈေရးဝန္ႀကီးမွ ဆက္ၿပီး “မင္းတပ္ေကာလိပ္ကေလာေလာဆယ္ အေျခေနမွာ ေလာေလာဆယ္ ယာယီ ေက်ာင္းအုပ္ေတာ့ခ်ထားပါၿပီ၊ ဒါေပမယ့္ တည္ေဆာက္ေရးလုပ္ငန္းက အခု ၆၀% ၿပီး တဲ့ အေဆာက္အဦးေတြ ရွိတယ္၊ ၿပီးေတာ့ ၃၀% ေလာက္ၿပီးတဲ့ အေဆာက္အဦးေတြ ရွိတယ္၊ under contrustion ေပါ့ေနာ္ ေလာေလာဆယ္ ေဆာက္ေနတယ္ ေဆာက္လုပ္ေရး အဖြဲ႕(၁၀) ကေပါ့ေနာ္ ၊သူတို႔ဦးေဆာင္ၿပီး ေဆာင္ရြက္ေနတယ္၊ ဒါလည္းပဲ တိုးတက္မႈေတာ့ အမ်ားရွိပါၿပီ ဒါေပ္မယ့္ လိုအပ္ခ်က္ျပည့္စုံေအာင္ေတာ့ ေက်ာင္းအုပ္ႀကီးတို႔ ေရာက္လာတဲ့ခါမွာ ဒီ႐ုံးပိုင္းဆိုင္ရာ လိုမယ္၊ တည္ေဆာက္ေရးပိုင္းဆိုင္ရာကေတာ့ ပညာေရးက အေဆာက္အဦးပိုင္းက် အပ္ထားတဲ့အတြက္ေၾကာင့္ ေတာ္ေတာ္မ်ားမ်ားေတာ့ အဆင္ေျပပါတယ္၊ ” ဟုေျပာသည္။

 

လက္ရွိခ်င္းျပည္နယ္တြင္ ဟားခါးၿမိဳ႕တြင္ ဟားခါးတကၠသိုလ္ရွိၿပီး  ေတာင္ပိုင္း မင္းတပ္ၿမိဳ႕တြင္ ဝိဇၨာသိပၸံေကာလိပ္ တစ္ေက်ာင္း တည္ရွိေတာ့မည္ ျဖစ္သည္သည္။ မင္းတပ္ေကာလိပ္သည္ျပည္ေထာင္စု ဘက္ဂ်က္ ၅ဘီလီယံ ေက်ာ္ျဖင့္ တည္ေဆာက္လ်က္ရွိေၾကာင္းလည္း သိရသည္။