Input your search keywords and press Enter.

ပလက်ဝတွင် တိုက်ပွဲပိုပြင်းထန်လာ၊ ကုန်စျေးနှုန်း နှစ်ဆတက်ပြီး ကုန်ပစ္စည်းများလည်း ပြတ်လုနီးဖြစ်

Salai Khup Khup

ပလက်ဝမြို့နယ်တွင် ဖေဖော်ဝါရီလ(၂)ရက်နေ့ မှ စပြီးရက္ခိုင့်တပ်မတော်(AA)နှင့် မြန်မာ့တပ်မတော် တို့အကြား တိုက်ပွဲပိုမို ပြင်းထန်လာပြီး မြို့နယ်ပြင်ပ ကုန်သွယ်ရေးလမ်းကြောင်းများ ပိတ်သွားခြင်းကြောင့် ပလက်ဝမြို့နယ်အတွင်း ကုန်စျေးနှုန်း နှစ်ဆတက်သည့်အပြင် ကုန်ပစ္စည်းများလည်း ပြတ်လုနီးပါးဖြစ်နေကြောင်း ပလက်ဝစစ်ဘေးရှောင်ကူညီရေးအဖွဲ့ထံမှသိရသည်။

ပလက်ဝမြို့နယ် စစ်ဘေးရှောင်နှင့် သဘာဝဘေး ကူညီရေးအဖွဲ့ အတွင်းရေးမှူး ဦးကျော်အောင်က “ဖေဖော်ဝါရီ (၂) ရက်နေ့ကစပြီး အခြေအနေတွေ ဆိုးလာတယ်။ လိုင်းစက်လှေတွေ ကုန်းလမ်း၊ ရေလမ်းကစ အကုန်လုံး ပိတ်ထားရတယ် ဆိုတော့ ဆန်တွေရရှိဖို့ ခက်ခဲလာတယ် ဆန်တွေကို ရခိုင်ပြည်ကနေ ဝယ်ပြီးတော့ မှီခိုနေရတာဆိုတော့ စားသောက်ကုန်တွေ ပလက်ဝမြို့မှာ ဝယ်စရာ မရှိတော့တဲ့ ဟာတွေရှိသလို ရှိတဲ့ဟာတွေကလည်း စျေးအဆမတန် ကြီးသွားတယ်”ဟုပြောသည်။

ယခင်က ကြက်ဥ (၈) လုံးလျှင် တစ်ထောင်ကျပ်၊ ဓာတ်ဆီ တစ်ဂါလံလျှင် ငါးထောင်ကျပ်၊ ရိုးရိုးဆန် တစ်အိတ်လျှင် ၂၅၀၀၀ ကျပ် မှ ယခုအခါ ကြက်ဥ (၄) လုံးလျှင် တစ်ထောင်၊ ဓာတ်ဆီ တစ်ဂါလံလျှင် တစ်သောင်းကျပ်၊ ရိုးရိုးဆန်တစ်အိတ် သုံးသောင်းကျော်အထိ ကုန်စျေးနှုန်းများ ယခုရက်ပိုင်းအတွင်း ထောင်တက်သွားခြင်းဖြစ်သည်။

တိုက်ပွဲပြင်းထန်လာမှုကြောင့် ပလက်ဝမြို့ပေါ်အနီးနားတွင် လက်နက်ကြီးများကျကာ ထိခိုက်ဒဏ်ရာရရှိ သူများရှိနေပြီး ကျေးရွာအနီးနားတွင်လည်း လက်နက်ကြီးများ ကျရောက်လာပြီး ဒေသခံများ စိုးရိမ်ထိတ်လန့်နေရသဖြင့် ကုန်းလမ်း ရေလမ်း ခရီးသွားယာဉ်များလည်း ရပ်နားထားရကြောင်း သိရသည်။

ပလက်ဝဒေသခံတစ်ဦးဖြစ်သူ ဦးဘူထန်ပိုင်က “မိသားစုတစ်စုမှာ ဆန်တစ်အိတ်ရှိတဲ့သူတောင်မှ ရှားရှားပါးပါးဖြစ်နေပြီ။ ထွေအုပ်ရုံးက စစ်ဘေးရှောင်တွေအတွက် ဆန်သိုလှောင်ထားတဲ့ဟာ အိတ်ပေါင်း တစ်ထောင်ဝန်းကျင်လောက်ရှိတယ်ထင်တယ်။ အဲဒါတောင်မှ အခုကုန်သွားပြီ။ မြန်မာနိုင်ငံမှာ ချင်းပြည်နယ်က အဆင်းရဲဆုံး၊ အဲထဲမှာမှ ပလက်ဝက အဆင်းရဲဆုံး၊ အဲဒီကြားထဲ တိုက်ပွဲဖြစ်လာတော့ အလုပ်မလုပ်ရဲ၊ မသွားလာရဲအနေအထားထိဖြစ်နေပြီ” ဟုပြောသည်။

ထို့အပြင် ပလက်ဝမြို့ပေါ်အား မီးစက်နှိုးပြီး လျှပ်စစ်မီးပေးနေရခြင်းဖြစ်သဖြင့် ယခုကဲ့သို့ ရက်ပိုင်းအတွင်း လျှပ်စစ်မီးပေးနိုင်မည့်အခြေအနေမရှိတော့ကြောင်း ဦးကျော်အောင်ကပြောသည်။

သူက “ပလက်ဝမြို့ပေါ်မှာ မီးပေးတာက စက်နဲ့နှိုးပြီးမီးပေးနေရတဲ့ အနေထားဆိုတော့ အခုက သွားလို့လာလို့ အဆင်မပြေဘူး ဆိုတော့ နောက်တစ်ရက် နှစ်ရက်လောက်ဆိုရင် မြို့ပေါ်မီးပေးနိုင် မလားဆိုတဲ့ အနေအထားတွေဖြစ်လာတယ်”ဟုပြောသည်။

လက်ရှိပလက်ဝမြို့ပေါ်တွင် ကုန်စျေးနှုန်း အဆမတန်ကြီးပြီး စားသောက်ကုန်များလည်း ရှားပါးလာမှုအပေါ် ဒုက္ခရောက်နေသည့် ပြည်သူလူထုအတွက် ချင်းပြည်နယ် အစိုးရအနေဖြင့်လည်း အမြန်ဆုံး ကူညီဆောင်ရွက်ပေးရန် တောင်းဆိုလိုကြောင်း ဦးကျော်အောင်က ပြောသည်။

Zawgyi
ပလက္ဝတြင္ တိုက္ပြဲပိုျပင္းထန္လာ၊ ကုန္ေစ်းႏႈန္း ႏွစ္ဆတက္ၿပီး ကုန္ပစၥည္းမ်ားလည္း ျပတ္လုနီးျဖစ္

ပလက္ဝၿမိဳ႕နယ္တြင္ ေဖေဖာ္ဝါရီလ(၂)ရက္ေန႔ မွ စၿပီးရကၡိဳင့္တပ္မေတာ္(AA)ႏွင့္ ျမန္မာ့တပ္မေတာ္ တို႔အၾကား တိုက္ပြဲပိုမို ျပင္းထန္လာၿပီး ၿမိဳ႕နယ္ျပင္ပ ကုန္သြယ္ေရးလမ္းေၾကာင္းမ်ား ပိတ္သြားျခင္းေၾကာင့္ ပလက္ဝၿမိဳ႕နယ္အတြင္း ကုန္ေစ်းႏႈန္း ႏွစ္ဆတက္သည့္အျပင္ ကုန္ပစၥည္းမ်ားလည္း ျပတ္လုနီးပါးျဖစ္ေနေၾကာင္း ပလက္ဝစစ္ေဘးေရွာင္ကူညီေရးအဖြဲ႕ထံမွသိရသည္။

ပလက္ဝၿမိဳ႕နယ္ စစ္ေဘးေရွာင္ႏွင့္ သဘာဝေဘး ကူညီေရးအဖြဲ႕ အတြင္းေရးမႉး ဦးေက်ာ္ေအာင္က “ေဖေဖာ္ဝါရီ (၂) ရက္ေန႔ကစၿပီး အေျခအေနေတြ ဆိုးလာတယ္။ လိုင္းစက္ေလွေတြ ကုန္းလမ္း၊ ေရလမ္းကစ အကုန္လုံး ပိတ္ထားရတယ္ ဆိုေတာ့ ဆန္ေတြရရွိဖို႔ ခက္ခဲလာတယ္ ဆန္ေတြကို ရခိုင္ျပည္ကေန ဝယ္ၿပီးေတာ့ မွီခိုေနရတာဆိုေတာ့ စားေသာက္ကုန္ေတြ ပလက္ဝၿမိဳ႕မွာ ဝယ္စရာ မရွိေတာ့တဲ့ ဟာေတြရွိသလို ရွိတဲ့ဟာေတြကလည္း ေစ်းအဆမတန္ ႀကီးသြားတယ္”ဟုေျပာသည္။

ယခင္က ၾကက္ဥ (၈) လုံးလၽွင္ တစ္ေထာင္က်ပ္၊ ဓာတ္ဆီ တစ္ဂါလံလၽွင္ ငါးေထာင္က်ပ္၊ ရိုးရိုးဆန္ တစ္အိတ္လၽွင္ ၂၅၀၀၀ က်ပ္ မွ ယခုအခါ ၾကက္ဥ (၄) လုံးလၽွင္ တစ္ေထာင္၊ ဓာတ္ဆီ တစ္ဂါလံလၽွင္ တစ္ေသာင္းက်ပ္၊ ရိုးရိုးဆန္တစ္အိတ္ သုံးေသာင္းေက်ာ္အထိ ကုန္ေစ်းႏႈန္းမ်ား ယခုရက္ပိုင္းအတြင္း ေထာင္တက္သြားျခင္းျဖစ္သည္။

တိုက္ပြဲျပင္းထန္လာမႈေၾကာင့္ ပလက္ဝၿမိဳ႕ေပၚအနီးနားတြင္ လက္နက္ႀကီးမ်ားက်ကာ ထိခိုက္ဒဏ္ရာရရွိ သူမ်ားရွိေနၿပီး ေက်းရြာအနီးနားတြင္လည္း လက္နက္ႀကီးမ်ား က်ေရာက္လာၿပီး ေဒသခံမ်ား စိုးရိမ္ထိတ္လန႔္ေနရသျဖင့္ ကုန္းလမ္း ေရလမ္း ခရီးသြားယာဥ္မ်ားလည္း ရပ္နားထားရေၾကာင္း သိရသည္။

ပလက္ဝေဒသခံတစ္ဦးျဖစ္သူ ဦးဘူထန္ပိုင္က “မိသားစုတစ္စုမွာ ဆန္တစ္အိတ္ရွိတဲ့သူေတာင္မွ ရွားရွားပါးပါးျဖစ္ေနၿပီ။ ေထြအုပ္႐ုံးက စစ္ေဘးေရွာင္ေတြအတြက္ ဆန္သိုေလွာင္ထားတဲ့ဟာ အိတ္ေပါင္း တစ္ေထာင္ဝန္းက်င္ေလာက္ရွိတယ္ထင္တယ္။ အဲဒါေတာင္မွ အခုကုန္သြားၿပီ။ ျမန္မာနိုင္ငံမွာ ခ်င္းျပည္နယ္က အဆင္းရဲဆုံး၊ အဲထဲမွာမွ ပလက္ဝက အဆင္းရဲဆုံး၊ အဲဒီၾကားထဲ တိုက္ပြဲျဖစ္လာေတာ့ အလုပ္မလုပ္ရဲ၊ မသြားလာရဲအေနအထားထိျဖစ္ေနၿပီ” ဟုေျပာသည္။

ထို႔အျပင္ ပလက္ဝၿမိဳ႕ေပၚအား မီးစက္ႏွိုးၿပီး လၽွပ္စစ္မီးေပးေနရျခင္းျဖစ္သျဖင့္ ယခုကဲ့သို႔ ရက္ပိုင္းအတြင္း လၽွပ္စစ္မီးေပးနိုင္မည့္အေျခအေနမရွိေတာ့ေၾကာင္း ဦးေက်ာ္ေအာင္ကေျပာသည္။

သူက “ပလက္ဝၿမိဳ႕ေပၚမွာ မီးေပးတာက စက္နဲ႔ႏွိုးၿပီးမီးေပးေနရတဲ့ အေနထားဆိုေတာ့ အခုက သြားလို႔လာလို႔ အဆင္မေျပဘူး ဆိုေတာ့ ေနာက္တစ္ရက္ ႏွစ္ရက္ေလာက္ဆိုရင္ ၿမိဳ႕ေပၚမီးေပးနိုင္ မလားဆိုတဲ့ အေနအထားေတြျဖစ္လာတယ္”ဟုေျပာသည္။

လက္ရွိပလက္ဝၿမိဳ႕ေပၚတြင္ ကုန္ေစ်းႏႈန္း အဆမတန္ႀကီးၿပီး စားေသာက္ကုန္မ်ားလည္း ရွားပါးလာမႈအေပၚ ဒုကၡေရာက္ေနသည့္ ျပည္သူလူထုအတြက္ ခ်င္းျပည္နယ္ အစိုးရအေနျဖင့္လည္း အျမန္ဆုံး ကူညီေဆာင္ရြက္ေပးရန္ ေတာင္းဆိုလိုေၾကာင္း ဦးေက်ာ္ေအာင္က ေျပာသည္။