Input your search keywords and press Enter.

တာဟန်းစျေးတွင် ယခင်နှစ်ခရစ္စမတ်ကာလထက် အရောင်းအဝယ်ပါးဟုဆို

Salai Benezar

ကလေးမြို့ ချင်းအများစုနေထိုင်သည့် တာဟန်းရပ်ကွက်ရှိ တာဟန်းစျေးတွင် ခရစ္စမတ်ကာလ အတွင်း အရောင်းအဝယ်များလေ့ရှိသော်လည်း ယခုနှစ်တွင် ရောင်းအားသိပ်မကောင်းကြောင်း စျေးသူစျေးသားများထံမှ သိရသည်။

“ကျမတို့ကတစ်နှစ်ပတ်လုံးဒီချိန်ကိုုပဲ မျှော်လင့်တာပေါ့။ ခရစ္စမတ်အချိန်ပဲရောင်းကောင်းတာလေ။ ဒီမှာကအများအားဖြင့်ခရစ်ယာန်ဆိုတော့၁ဝဝမှာ၉၉လောက်ကခရစ်ယာန်ဆိုတော့ခရစ္စမတ်ကိုအဓိကအားထားတာပေါ့။ ဒါပေမဲ့ ဒီနှစ်ကတော့လူရှင်းတယ်။ အရောင်းအဝယ်တော်တော်လေးပါးတယ်”ဟု ဖိနပ်နှင့်အမျိုးသားဝတ်အထည်ရောင်းဝယ်သူ Sangsangi (ခ)အိအိဝင်း မှ ပြောသည်။

ယခုနှစ် ခရစ္စမတ်ရာသီတွင် အရောင်းအဝယ်ပါးနေခြင်းမှာ မိုးရာသီအတွင်း ဆင်တုပ်ကွေးရောဂါ ရင်ဆိုင်ခဲ့ကြခြင်းနှင့် မိုးနောက်ကျသဖြင့် စပါးမရိတ်သိမ်းကြသေးတာကြောင့် ဖြစ်နိုင်ကြောင်း စျေးသူစျေသားများမှ ခန့်မှန်းကြသည်။

တာဟန်းစျေးတွင် စောင်နှင့်မွေ့ယာရောင်းဝယ်သူ Lianthangpuia (ခ) အောင်မျိုးထဋ် မှ
“အဓိကအားဖြင့်ခရစ္စမတ်အချိန်က ရောင်းကောင်းတဲ့အချိန်လို့ အများအားဖြင့်ပြောကြာတာပေါ့။ဘာဖြစ်လို့လဲဆိုရင်စပါးရိတ်သိမ်းပြီးတဲ့အချိန်လည်းဖြစ်တယ်။ အကျီႋတွေစောင်အသစ်တွေလိုချင်ကြတဲ့အချိန်ဖြစ်တယ်။ အဲလိုဆိုတော့စျေးမှာလည်းလူများတယ်။ ဝယ်တဲ့သူတွေလည်းအရင်အချိန်တွေထက်ပိုများတယ်။ တခြားနှစ်နဲ့နှိုင်းရမယ်ဆိုရင်ဒီနှစ်ကတော့လက်ရှိအချိန်ထိတော့အရင်နှစ်နဲ့မတူဘူး။ အရင်နှစ်ကဆိုရင်အခုချိန်လောက်ဆိုမအားဘူး။ ရေသောက်ဖို့တောင်အချိန်မရဘူး။ ဒါပေမဲ့ ဒီနှစ်ကတော့လူနည်းတယ်။ ကျနော့်အထင်တော့စပါးရိတ်သိမ်းတာမပြီးကြသေးလို့ထင်ပါတယ်။” ဟုပြောသည်။

ခရစ်ယာန်ဘာသာဝင်အများစု နေထိုင်သည့် တာဟန်းရပ်ကွက်ရှိ တာဟန်းစျေးတွင် ခရစ္စမတ်ကာလမှာ တစ်နှစ်ပတ်လုံးအတွင်း ရောင်းအားအကောင်းဆုံး ကာလဖြစ်သဖြင့် နှစ်စဉ်နှစ်တိုင်း ဆိုင်ရှင်များအနေဖြင့် စောင့်မျှော်ကြသည့်ကာလဖြစ်ကြောင်းသိရသည်။

Zawgyi

တာဟန္းေစ်းတြင္ ယခင္ႏွစ္ခရစၥမတ္ကာလထက္ အေရာင္းအဝယ္ပါးဟုဆို

ကေလးၿမိဳ႕ ခ်င္းအမ်ားစုေနထိုင္သည့္ တာဟန္းရပ္ကြက္ရွိ တာဟန္းေစ်းတြင္ ခရစၥမတ္ကာလ အတြင္း အေရာင္းအဝယ္မ်ားေလ့ရွိေသာ္လည္း ယခုႏွစ္တြင္ ေရာင္းအားသိပ္မေကာင္းေၾကာင္း ေစ်းသူေစ်းသားမ်ားထံမွ သိရသည္။

“က်မတို႔ကတစ္ႏွစ္ပတ္လုံးဒီခ်ိန္ကိုုပဲ ေမၽွာ္လင့္တာေပါ့။ ခရစၥမတ္အခ်ိန္ပဲေရာင္းေကာင္းတာေလ။ ဒီမွာကအမ်ားအားျဖင့္ခရစ္ယာန္ဆိုေတာ့၁ဝဝမွာ၉၉ေလာက္ကခရစ္ယာန္ဆိုေတာ့ခရစၥမတ္ကိုအဓိကအားထားတာေပါ့။ ဒါေပမဲ့ ဒီႏွစ္ကေတာ့လူရွင္းတယ္။ အေရာင္းအဝယ္ေတာ္ေတာ္ေလးပါးတယ္”ဟု ဖိနပ္ႏွင့္အမ်ိဳးသားဝတ္အထည္ေရာင္းဝယ္သူ Sangsangi (ခ)အိအိဝင္း မွ ေျပာသည္။

ယခုႏွစ္ ခရစၥမတ္ရာသီတြင္ အေရာင္းအဝယ္ပါးေနျခင္းမွာ မိုးရာသီအတြင္း ဆင္တုပ္ေကြးေရာဂါ ရင္ဆိုင္ခဲ့ၾကျခင္းႏွင့္ မိုးေနာက္က်သျဖင့္ စပါးမရိတ္သိမ္းၾကေသးတာေၾကာင့္ ျဖစ္နိုင္ေၾကာင္း ေစ်းသူေစ်သားမ်ားမွ ခန႔္မွန္းၾကသည္။

တာဟန္းေစ်းတြင္ ေစာင္ႏွင့္ေမြ႕ယာေရာင္းဝယ္သူ Lianthangpuia (ခ) ေအာင္မ်ိဳးထဋ္ မွ
“အဓိကအားျဖင့္ခရစၥမတ္အခ်ိန္က ေရာင္းေကာင္းတဲ့အခ်ိန္လို႔ အမ်ားအားျဖင့္ေျပာၾကာတာေပါ့။ဘာျဖစ္လို႔လဲဆိုရင္စပါးရိတ္သိမ္းၿပီးတဲ့အခ်ိန္လည္းျဖစ္တယ္။ အက်ီႋေတြေစာင္အသစ္ေတြလိုခ်င္ၾကတဲ့အခ်ိန္ျဖစ္တယ္။ အဲလိုဆိုေတာ့ေစ်းမွာလည္းလူမ်ားတယ္။ ဝယ္တဲ့သူေတြလည္းအရင္အခ်ိန္ေတြထက္ပိုမ်ားတယ္။ တျခားႏွစ္နဲ႔ႏွိုင္းရမယ္ဆိုရင္ဒီႏွစ္ကေတာ့လက္ရွိအခ်ိန္ထိေတာ့အရင္ႏွစ္နဲ႔မတူဘူး။ အရင္ႏွစ္ကဆိုရင္အခုခ်ိန္ေလာက္ဆိုမအားဘူး။ ေရေသာက္ဖို႔ေတာင္အခ်ိန္မရဘူး။ ဒါေပမဲ့ ဒီႏွစ္ကေတာ့လူနည္းတယ္။ က်ေနာ့္အထင္ေတာ့စပါးရိတ္သိမ္းတာမၿပီးၾကေသးလို႔ထင္ပါတယ္။” ဟုေျပာသည္။

ခရစ္ယာန္ဘာသာဝင္အမ်ားစု ေနထိုင္သည့္ တာဟန္းရပ္ကြက္ရွိ တာဟန္းေစ်းတြင္ ခရစၥမတ္ကာလမွာ တစ္ႏွစ္ပတ္လုံးအတြင္း ေရာင္းအားအေကာင္းဆုံး ကာလျဖစ္သျဖင့္ ႏွစ္စဥ္ႏွစ္တိုင္း ဆိုင္ရွင္မ်ားအေနျဖင့္ ေစာင့္ေမၽွာ္ၾကသည့္ကာလျဖစ္ေၾကာင္းသိရသည္။