Input your search keywords and press Enter.

ရွှေဝယ်ပေးမည်ဟုဆိုကာ ချင်းလူမျိုး အချင်းချင်း ငွေကျပ်သိန်းလေးထောင်ကျော် လိမ်လည်

ရွှေဝယ်ပေးမည်ဟုဆိုကာ ငွေကျပ်သိန်း ၄၁၃၀ ကို Tuan Kil ဆိုသည့် အမျိုးသမီးမှ လိမ်လည်ကာ အိန္ဒိယနိုင်ငံမီဇိုရမ် တွင်ထွက်ပြေးတိမ်းရှောင်နေကြောင်း အလိမ်ခံရသည့် ရန်ကုန်မြို့နေ ဦးရွှေဟိန်းက သူ၏ လူမှုကွန်ယက်စာ မျက်နှာတွင် ရေးသားထားသည်။

ဦးရွှေဟိန်းက သူ၏လူမှုကွန်ယက်စာမျက်နှာတွင် “ ရဲ နဲ့ CID ကို အမှုဖွင့်လိုက်ပါပြီ။ တရားစွဲဆိုမှုလည်း လုပ်ပြီးပါပြီ။ သူနဲ့လုပ်ဖော်ကိုင်ဖက်တွေကိုလည်း ဖမ်းမှာဖြစ်တယ်။ အခုသူ အိန္ဒိယနိုင်ငံ အိုင်ဇောလ်မှာ လူရှိင်း ( Lushai ) အမျိုးသားတစ်ဦးက သူ့အိမ်မှာထားတယ်လို့ကြားထားတယ်။ အဲဒီလူရဲ့နာမည်ကိုလည်း မကြာခင်မှာ ထုတ်ဖော်သွားမှာဖြစ်တယ်” ဟုပြောသည်။

ထို့အပြင် Tuan Kil ဆိုသူအမျိုးသမီးမှ သူ့ကိုသတ်ဖို့ကြိုးစားနေကြကြောင်း၊ ကျပ်သိန်း တစ်သောင်းလေးထောင်ကိုလည်း သူတို့ကိုချေးပေးခဲ့ကြောင်း စသည်ဖြင့် ကျမ်းစာအုပ်ကိုင်ကာ လိမ်လည် ပြောကြားခဲ့ကြောင်း ဦးရွှေဟိန်းက ဖော်ပြထားသည်။

ဦးရွှေဟိန်းက “ ဒီခေတ်မှာ ရိုးသားဖြောင့်မတ်မှုမရှိတော့ဘူး။ ရိုးသားမှုကိုလည်း မရပ်တည်ပေးရဲကြတော့ဘူး။ ခရစ်ယာန်ဖြစ်တဲ့ ကျွန်တော်တို့လူမျိုးတွေထဲက မကောင်းတဲ့လုပ်ရပ်ဖြစ်တဲ့ မူးယစ်ဆေးဝါး၊ လက်နက်မှောင်ခိုတွေလုပ်လာကြတဲ့အပြင် အခုဆိုရင် ကျမ်းစာအုပ်ကိုကိုင်ပြီး မုသားစကားတွေပြောဆိုကုန်ကြပြီ။ ရိုးသားမှုမရှိတော့ဘူး” လို့ သူ့ရဲ့လူမှုကွန်ယက်စာမျက်နှာတွင် အောက်တိုဘာလ ၁၄ ရက်နေ့က ရေးသားခဲ့သည်။

ငွေကြေးအလိမ်ခံရသည့် ဦးရွှေဟိန်းသည် ထိုင်းနိုင်ငံတွင် စီးပွားရေးဆိုင်ရာဒေါက်တာဘွဲ့ရရှိသူဖြစ်ပြီး Chinland Public Company တွင်လည်း ဥက္ကဌအဖြစ်ဆောင်ရွက်နေသူဖြစ်သည်။